陳湛文感激太太「陪捱」:試過成個月無人工!
2023年05月06日 17:15
東網電視
更多新聞短片
![](/hk/bkn/cnt/entertainment/20230506/photo/bkn-20230506171505082-0506_00862_001_01p.jpg?20230506172620)
以舞台劇《少年十五二十時》首奪劇場「最佳男配角」陳湛文(Peter),由劇場轉戰電影圈4年,日前接受電台訪問,剖白曾因氣餒想轉行:「畢業後一直做劇場,收入好唔穩定,最多1個月1萬蚊多啲,最少成個月無人工。幫我最多係阿哥、家姐,過年給畀封好大嘅利是我,等我撐耐啲。畢業後第3年起愈嚟愈差,好洩氣。到自己30幾歲就諗係要轉行。」當年,陳湛文一心演完《少》首次獲獎:「當時我諗住走,認為自己冇希望時,頒個獎畀我,好似叫我留低繼續行,其實嗰時更懊惱,因為獲獎唔代表我人工高咗或者工作多咗,先計劃試轉拍影視作品。」他亦獲關智斌賞識邀其參演MV《日月》。
未憑《飯戲攻心》成名前,陳湛文與前娛樂新聞主播太太宋雯結婚,繼而育有女兒Nina。他指太太是其演藝師姐,但比他年輕。問到如何贏得美人歸,他透露排練經常挑剔太太沒盡全力:「她靚吖嘛,成日逗佢講嘢,係互相追求啦。」直認二人交往時事業仍未起步,欣賞太太能與他同甘共苦:「佢真係抵得諗,願意跟我一齊捱,冇勸過我轉行,但亦鞭策我計劃將來。我哋拍拖,就連去大牌檔都嫌貴,多數食茶記,想氹自己開心,就只會食有優惠嘅自助餐。我認自己唔浪漫,好少送禮物。」