炎明熹考試唱歌一樣掂　會話進步神速雞啄唔斷

「樂壇小天后」炎明熹在《廣播九十五周年 十大中文金曲》中擇下兩個獎項，分別「十優歌手」及憑《好想約你》獲「金曲獎」，獲得如此具分量的獎項是意料之外，希望會做得更加好及做出好作品，才對得起樂迷。

近日忙於應付DSE的她，享受一邊溫習一邊學習新知識，腦海好豐富：「以前齋讀書，冇興趣，依家將興趣變職業，好奇妙。（考試和唱歌都咁成功？）不分高下，不相伯仲。」她說最害怕一科是英文會話，多謝一同應考的同學的節奏，讓她有機會應對：「以前講中文和英文都好緊張，較慢熱，依家進步咗，可以講好多嘢。（由外星返回地球？）登陸咗少少，冇去過外星。」現時還有一科未考，完成考試後，計劃與3位同學去台灣畢業旅行，好好與同學相處，笑言未出發已好激動，待考試完便會編排旅遊攻略。