孖「鐵馬家族」慶生　唐詩詠素顏上陣勁省鏡

無綫劇《鐵馬尋橋》成就鄭嘉穎、馬國明、唐詩詠、林子善、黃嘉樂成為好友，佢哋仲Friend到變成「鐵馬家族」，情同兄弟姊妹！昨日（6日）唐詩詠就喺社交網晒出她與林子善夫婦以及黃嘉樂夫婦一齊慶生切蛋糕嘅靚相，照片中雖然未見鄭嘉穎同馬國明身影，不過場面同樣熱鬧！

唐詩詠雖然同林子善隔咗成個月生日，不過每年都會相約齊齊切蛋糕，而唐詩詠亦喺社交網晒出一對壽星仔女對生日蛋糕許願嘅靚相，寫道：「一年一度的約會，多謝開住工嘅、唔係好舒服嘅、好忙做訪問嘅、好忙做後期嘅你哋，都會好想同我食飯。」