昆凌做「跟得夫人」現身香港　力撐周杰倫開騷低調放閃

台灣天王周杰倫（周董）近日於香港舉行演唱會，原來今次老婆昆凌都有同行，昨晚（7日）更有網友發現昆凌現身演唱會現場，坐在台下睇騷，低調支持老公，認真恩愛。與此同時，周董於社交網晒出早前昆凌開工拍廣告時，佢與「台語歌后」江蕙一同前往探班嘅合照，可見佢哋兩公婆結婚多年依然好似糖黐豆一樣，見少一陣都唔得！

另外，日前有網友於銅鑼灣捕獲周董行街睇衫，當時周董一身全黑打扮兼戴上口罩，打扮相當低調，身邊亦唔見包圍佢嘅粉絲，成功掩蓋其「天王身份」。