Selina佗B 5個月爆男友反應　首透露認識經過

台灣女星任家萱（Selina）懷孕已有5個多月，同細7歲嘅圈外男友感情穩定，而日前Selina更喺社交網問男友：「你愛腰果嗎？（BB名）」估唔到男友竟然當場呆滯，過咗幾秒後先應道：「我愛腰果的媽。」對此，Selina坦言有嚇親，不過亦理解男友同腰果（BB）暫時未建立起感情：「畢竟腰果是在我肚子裹。」

Selina亦補充道男友可能要等到腰果出世後先會產生感情，不過男友當下嘅反應仍令佢呻道：「那一秒那麼誠實，也太冷漠吧！」同時，Selina都大方分享男友其實係喺妹妹任容萱嘅一次生日派對上認識，並透過妹妹男友介紹進而發展成男女朋友關係。