COLLAR以7人方式繼續行落去　So Ching退出對團隊冇影響

女團COLLAR成員So Ching今日（10日）宣布退團，COLLAR所屬的MakerVille向傳媒發出通知，稱在今午3時舉行記者會宣布COLLAR新動向。COLLAR的7位成員現身，隊長Gao表示希望大家給空間予So Ching，雖然感到不捨，但非常尊重及明白她退團的決定：「以後COLLAR會七個人行落去，希望大家繼續支持COLLAR。」至於So Ching是否因不滿公司處理男友李啟言的意外，Gao說：「關於呢方面公司已經交代晒，大家唔好作太多揣測。」問到So Ching何時作出退團決定，Gao說不記得，說這是「較早前決定」。Gao又謂So Ching的文章表達希望COLLAR會有好好發展，故表示：「我哋會帶住呢份力量繼續以COLLAR嘅形式行落去，嚟緊COLLAR會好多新方向，好似諗咗好耐嘅演唱會，或者各方面唔同嘅挑戰，我哋會同個團隊一齊做落去。」

對於「8-1=0」的說法，成員Winka說：「係我之前想畀力量So Ching，話畀佢聽我哋之後嘅團歌，或者之後嘅新作品，好想等埋佢返嚟先做。佢依家呢個決定，我哋一定尊重接納，咁8-1=0，我哋依家歸零，重新出發。」她續說初知道So Ching退團的決定時，是不想對方內疚：「我一知呢個決定時，反而係唔想佢因為呢個決定而內疚，因為每人有權去搵自己嘅生活、幸福同快樂。」芯齡則說：「我非常尊重佢嘅決定，唔開心一定會有，但相信佢係走最舒服嘅路，做最舒服嘅自己，希望佢有力量行落去。」Ivy So說：「佢歸隊時好開心，見佢一直努力適應，佢係好勇敢嘅女仔，希望佢生活得開開心心。雖然唔捨得，我哋都非常尊重佢嘅決定，即使換咗身份，COLLAR經歷過嘅嘢係唔會變。」

在場的經理人Wing表示So Ching要參與的作品已經全部完成：「嚟緊退出唔會有佢嘅作品。」又稱So Ching退團對COLLAR冇影響：「一直有好多計劃進行中，So Ching都唔想我哋因為呢件事而卻步。」至於COLLAR會否加入新成員，Wing表示：「唔會，COLLAR永遠都係COLLAR。」至於So Ching退出女團，是否仍是MakerVille藝人？Wing則謂：「合約上唔方便講太多，好多細節仲係商討中，進行緊。」對合約問題只表示有彈性。

COLLAR在周日的CHILL CLUB頒獎禮上，摘下年度新人女歌手獎，但So Ching缺席，問到So Ching是否已有退團決定？Sumling謂：「其實CHILL CLUB頒獎禮，我哋好少時間去排練，因為個個隊員都有嘢做，我哋只得1至2日去排練，嗰段時SoChing係病咗，我哋有啲隊友病緊，有啲又好番。」隊長Gao即謂一路都有跟So Ching溝通，關於她的心情已在網上文章交代了，隊友不方便代答，亦不便評論太多。

至於團員何時最後一次和So Ching見面？Gao謂：「幾時就唔係好清楚記得啦，唔係好記得，不過我哋係一齊見面嘅。（有冇再期待佢歸隊嘅一日？）佢之後嘅去向或者佢之後做嘅嘢，其實喺佢文章度都表達咗，我哋會祝福佢囉。」

So Ching宣布退圑，MakerVille安排COLLAR 7位成員出席記者會文代未來新動向，會上隊友Winka指當初發表「「8-1=0」言論是想帶給So Ching力量，但現她決定退圑，代表COLLAR重新出發，網民對於Winka的新詮釋，在網上鬧爆：「不如真係畀佢哋歸零，我決定unfollow 佢哋全部」、「唔教人計數啦咩？唔識計同我死記喎」、「當初畀人攻擊就「8-1=0」我哋8個一條心，依家有人退團「8-1=0」 零係解重新出發，即係當初就打算放棄自己口中好隊友，多佢一個唔多，少佢一個冇所謂咁？」

除Winka變被網民插到變箭豬」外，MakerVille高層亦無一幸免，爆粗鬨：「班女都幾Ｘ慘，退團要自己交代」、「垃圾公司真係縮到底，推班7條𡃁送頭。」同時有網民同事炮轟MakerVille高層魯庭暉、「花姐」黃慧君：「又話MKV記者會，初初諗住魯生都有件，點知得班女，仲要唔齊人」、「佢上司花姐當初跌電視都縮，佢點解要出黎頂先。」