肥仔與So Ching識於微時：尊重佢嘅決定

ERROR成員梁業（肥仔）出道前已認識So Ching，大家同是舞蹈員出身，曾經一齊為金像獎頒獎禮大舞台表演跳舞，2人十分老友，不過今日So Ching突然決定離開女團COLLAR，他大感愕然，也是今日才知道消息，他稱因為入行後，各有各忙，已有一段時間冇聯絡，有時是從好友Win Win口中才得知她近況，肥仔表示當初So Ching對加入女團十五十六，找他傾了好耐，是肥仔勸她加入，「覺得入女團對佢有幫助，因為佢好鍾意跳舞，可以將自己鍾意嘅嘢放喺螢幕畀人睇到。（覺得可惜？）係有啲可惜嘅，雖然我都擔心佢，但有啲嘢要佢自己諗清楚，尊重佢嘅決定。」