梁家輝暢談與電影之緣　親揭26歲封影帝之謎

影星梁家輝在明天（13日）在無綫節目中，暢談跟電影的緣分，親揭如何憑26歲之齡封金像獎影帝之謎外，更分享與內地殿堂級演員劉曉慶的合作點滴，並且細說何解被看中接拍《情人》躍身國際影壇，以及親解《東邪之毒》及《東成西就》之間千絲萬縷的關係。

梁家輝笑指自己是在現已結業的樂聲戲院長大：「我媽媽當年係樂聲戲院嘅接線生，我諗我滿咗月就喺嗰度大，到8歲都係喺戲院入面，間戲院我摸熟晒。我成日畀人擺喺女廁，因為有女廁先有阿姨，又有張枱仔，咁我就畀人擺落個籃度。」由於姨媽在同一戲院賣爆谷，故此梁家輝有時會被安排在門口的爆谷機，方便姨媽照顧外，亦因利乘便食爆谷大：「以前賣爆谷要同戲院分，每日戲院畀啲紙袋你，賣咗幾多紙袋係要返去同戲院分帳。咁我新鮮嘅冇得食，都係食啲跌落地板嘅爆谷，就係咁食到8歲。」

梁家輝更說曾經盛極一時的「午夜場」，是當年用來「試水溫」，看電影是否受歡迎，電影人憑藉午夜場次地下的蔗渣數量以及爛櫈數目，便能預測一套電影是否受歡迎。