張馨月晒DIY環保公主裙出事　慘遭網友「照肺」

Chok爆型男林峯自從2019年同內地模特兒張韾月結婚後，就變咗做「女兒奴」離唔開寶貝囡囡Luna，一家三口生活幸福。而早前到上海出Trip嘅老婆張馨月就喺社交網分享道：「出差那麼久終於有時間陪Luna了，今天就和Luna一起『變廢為寶』。」不過母慈女孝嘅暖心畫面，就因張馨月手中用藍、白色膠袋組裝而成嘅蓬鬆裙畀網友鬧爆：「你的材質就很不環保！」、「笑死，我一看說環保，一看這麼多垃圾袋！」、「問題是這種塑膠袋本來就很難分解！」直指張馨月買咁多膠袋嘅行為就已經「唔環保」。