Edan孖Jer變身「迷弟」　爭住同偶像林宥嘉合照：好夢幻

人氣男團MIRROR成員姜濤﹑柳應廷（Jer）﹑盧瀚霆和呂爵安（Edan）日前現身馬來西亞音樂節，佢哋今次唔止去演出，仲順便去追星。繼姜濤成功一睹偶像羅志祥嘅現場演出後，今次就到Edan同Jer成就解鎖，成功喺後台同偶像林宥嘉（Yoga）合照。Edan更「迷弟」上身喺社交網寫道：「追星成功，Good Show！迷弟上身，留低等偶像合照，好夢幻！」而因為合照儲存喺Edan嘅手機，當Jer想拎番啲合照嗰陣，就被Edan「威脅」要講10句讚美說話，而Jer最終屈服，場面搞笑！