「A0」游嘉欣歸納「出Pool秘笈」：女人要識發姣！

無綫小花游嘉欣近日主持飲食節目，新一集與前輩們討論「愛情來的時候」。席間談到拍拖多久才可以拖手仔時，一向被批評「詞不達意」的嘉欣突然發表驚人偉論：「我覺得第一次時間一定唔可以短。」聽到身邊人眼突！其實她只是覺得拍拖時間不能太短，令人忍俊不禁。身為「A0女神」的她，後來歸納「出Pool秘笈」：「今集學識兩樣嘢，女人要識發姣，唔發姣就冇男朋友，第二就係要多嘗試，失敗都唔好驚，最緊要試到一個啱。」