黃又南變態戀髮癖　硬上Wet妹張凱娸玩到痛

藝人黃又南於新片《失衡凶間之罪與殺》單元《頭髮》飾演髮型屋老闆的黃又南，開拍前專誠向星級髮型師學藝，他受訪時直言髮型師乃專業的職業，故於鏡頭前無論洗頭或者揸鉸剪，手勢絕對不能有差錯：「如果錯咗真係會畀人鬧，為身邊嘅髮型師朋友爭光，我真係去跟髮型師學洗頭、吹頭同剪頭髮，上咗幾堂，仲帶假髮返屋企練習，一啲都唔容易，易學難精。」

而飾演Wet妹的張凱娸（娸娸）則表示有幸享受又南為她洗頭按摩服務，還讚對方手勢好，舒服到睡着，惟後來劇情逆轉，她成為戀髮癖的又南獵物，慘被迷暈在地上拖行，連頭髮都幾乎被扯斷，最後還被又南取笑太重：「最初睇到劇本話『拖行』嘅時候都有啲擔心，以為要扯我啲頭髮，原來係拖我對腳。其實已經好小心，又南一下一下咁拖我，不過地板唔平扯到頭髮先會痛。」