氣管炎+耳炎+鼻竇炎︱大肚孫慧雪閉關兩個月保胎

女星孫慧雪依家佗住第二胎，點知就好唔好彩染上感冒，但孕婦抵抗力弱，小病終變大病，孫慧雪最後演變成氣管炎、耳炎、鼻竇炎纏身，媽咪唔驚，腹中塊肉都驚，佢仲影響到其中一隻耳仔聽唔到嘢，情況令人擔心！

佢發文表示，早前有朋友嘅小朋友到家中作客，對方原來已經作感冒，兩日後佢自己開始出現喉嚨痛，由於懷孕關係，她只好服食普通成藥︰「諗住捱吓捱吓就好番，但孕婦免疫力真係比一般人低，我足足病咗十幾日，從來未試過咁辛苦。」佢稱曾以為自己中咗新冠肺炎或流行性感冒，經呼吸道專科醫生檢查之後，方知病情已變成氣管炎、耳炎及鼻竇炎。如要病情好轉，只好服食一啲唔不太影響BB嘅藥物。

佢為安全起見，足足睇咗兩位醫生，一位醫生嗌佢等待身體自我復原，另一位則建議佢洗鼻及服食抗生素，但為個胎兒着想，佢只好決定閉關2個月，留喺家中唔外出，減少再受感染嘅機會。同時佢又呼籲懷孕中嘅媽媽要小心，慎防令病情惡化。