莊鍶敏床戲尺度太大Cut剩大頭　希望攞番私人珍藏

莊鍶敏晚上到尖沙咀出席無綫劇集《法言人》慰勞宴，接連有另一新劇《一舞傾城》播出的她感到可以劇接劇出街是相當幸運，認為兩劇題材、角色也不同，相信不會令觀眾混淆。

講到昨晚播出她與李嘉的床戲激戰，播出時卻只刪剩大頭鏡頭，她笑說：「好慘呀，cut咗好多，剩係得返個大頭，冇咗個身，好勁嗰啲都冇晒，我會問導演攞返私人珍藏，或者睇吓遲啲會唔會有個長版本或者花絮可以畀大家睇到，同李嘉仲有幾場床上戲，暫時未知會cut成點。」

她表示床上戲被刪相信與電視尺度限制有關，不但騷胸、露背與美腿，動作亦較大膽。問到床戲的大膽程度﹖她則說：「一定冇露點嘅，但係就比較多『動作』戲，李嘉作為動作演員，依家就冇咗動作囉，哈哈。」她又指拍攝時安全措施做足，相信不會走光，加上清場拍攝，相當穩陣。