星語︱賈靜雯低胸「凸」圍　網友睇好跑出成團

今日係5月19日，睇是日星座運程之前，不如挑戰吓IQ題，人死後為甚麼會變涼？想知答案就要睇《星語》喇！入正題先，今日嘅幸運星係天秤座，天秤座嘅朋友今日笑多啲冇蝕底，幸運之神會陪住你。天秤座嘅賈靜雯近排參賽內地話題真人騷《乘風破浪的姐姐》第4季，早前佢嘅一個低胸造型率先曝光，即獲網民激讚狀態勁好，仲預測佢會跑出可以成團！既然賈靜雯有幸運之神照住，睇嚟網友講嘅都唔係冇可能！

雙子座嘅朋友做事快靚正，事業上沒咩問題要操心。雙子座嘅周秀娜雖然事業一帆風順，但網友就好擔心佢嘅身體，事關當年以32D驕人上圍迷倒萬千宅男嘅佢，近年突然體重下降變成周「瘦」娜，甚至連「咪咪」都失埋蹤，搞到網友好心痛，仲叫佢食多啲嘢唔好再瘦落去。不過周秀娜都多次強調自己健康冇問題，所以大家都唔使咁緊張嘅！