朱斐斐2萬月租香閨曝光　遍地名牌好富貴

入行已有11年嘅朱斐斐，同何廣沛及林穎彤等人同屆藝訓班出身，未料事業差強人意一直做「背景板」，直到喺劇集破格演出印傭Siti先成功入屋引關注。隨着人氣變得旺盛，粉絲對佢私下生活嘅好奇心亦愈來愈重，對此佢亦喺社交網大方分享自己戲外生活，更從起床開始就全程拍片公開。

而係決定當日衣着時，雖然朱斐斐揀咗件小背心襯西裝外套，相當性感省鏡，不過滿地嘅名牌紙袋同樣十分吸睛外，月租2萬3千港元嘅窗外景色更令人眼前一亮。片中所見，朱斐斐嘅客廳雖然唔算好大，不過落地玻璃窗嘅採光設計，園林景致一覽無遺。至於單位月租高達2萬多，網友猜測應該係位於鄰近太子站嘅私樓。

事實上，朱斐斐現時除咗做演員外，更有兼職健身教練、創業賣時裝及健康食品等，既然咁搵得當然要對自己好啲啦！