陳山聰成副身家用嚟買衫　自爆家中收藏近200對鞋

藝人陳山聰以及時裝設計師鄧達智（William）明晚（20日）為無綫節目擔任嘉賓，笑稱自己「成副身家都花喺買衫度」的陳山聰，和主持暢談時裝經及時裝情懷。陳山聰分享身上牛仔褲的來歷，說是九十年代末尾的，又說有次穿了一條售價約二千多元的品牌牛仔褲到泰國旅行時，被一名泰籍青年身穿的牛仔褲吸引，一見鍾情。陳山聰說當時即決定「以褲易褲」：「我問『你肯唔肯換吖？』我再加咗2萬銖，即場同佢換褲。呢條褲我Keep咗差唔多30年，好耐冇洗喇，一洗咗個色就走喇。」他笑言連媽媽也投訴：「條褲臭喇！」

陳山聰說對時裝的熱愛，是受擅長做靚衫的媽媽影響：「就算我啱啱入行時，我媽咪都仲有做衫畀我。」談到家中衣物收藏數量，他稱有超過200對鞋：「我係波鞋、皮鞋、Boot，總之係靚嘅鞋我都會買。着衫我唔係為咗畀人睇，我自己開心架咋。」還大談昔日到出口店尋寶歲月，以及配襯衣服的心得。