32E李蔓瑩心口大Deep V　睇到宅男噴鼻血

520又稱網絡情人節，「宅男女神」李蔓瑩（Renee）就趁住咁浪漫嘅日子喺社交網大派福利，上載一段當日工作時嘅短片，佢留言：「Happy 520！寓工作於娛樂仲唔係我？室內戶外園區都好正！！估唔到小朋友滑梯都咁刺激!!加上好天氣 簡直係完美。」原來Renee獲邀去一間酒店嘅水上園區拍攝短片，出名樣靚身材正嘅Renee亦毫不吝嗇泳裝上陣大玩特玩一番，雖然今次只係一件頭並唔係三點式，但心口嘅大Deep V同樣有睇頭，Big爆身材表露無遺。粉絲們都紛紛留言表示鼻血直流：「成地鼻血喇」、「卡哇伊呢」、「索到爆炸」、「事業心重嘅女子」、「早知去做救生員啦」。