BLACK PINK粉絲逐個捉　連港姐冠軍都去朝聖！

韓國人氣女團BLACK PINK繼續開騷，繼前晚Angelababy、歐陽娜娜等人睇騷後，昨晚（21日）圈中一班隱藏嘅「BLINK」（BLACK PINK粉絲名）再出動，當中除咗有歌手、小花外，連港姐冠軍都喺到！

「聲夢小花」鍾柔美（Yumi）同歌手譚嘉儀齊齊網晒睇騷相，兩個都備而來，Yumi着上短褲配粉紅波鞋，譚嘉儀就索性全身粉紅裙上陣，PINK到爆支持偶像。而港姐冠軍林鈺洧亦有現身，仲透露原來已經係第2次睇BLACK PINK演唱會，果然係真．粉絲！