賀軍翔濕吻陪酒妹　台灣狗仔爆有證據

台灣狗仔葛斯齊早前喺社交網爆出已婚嘅賀軍翔，喺夜總會陪好友張勛傑慶生時，似乎不勝酒力同陪酒小姐當場嚟咗個激情濕吻，對此賀軍翔經理人表示唔清楚藝人行程，但會之後再同賀軍翔本人求證。

葛斯齊更補充16號生日嘅張勛傑搞咗個生日派對，結果去夜總會繼續狂歡時就發生咗賀軍翔同陪酒小姐濕吻一事。而握有證據嘅葛斯齊透露依家未到公開嘅好時機，會爆料嘅至由亦因為考慮到賀軍翔已有妻女，所以先咁做，至於壽星張勛傑則被葛斯齊讚係正人君子，當晚並未有過分嘅越軌行為。