Ian下月迎30歲　歌迷會銅鑼灣搞生日應援展

人氣男團MIRROR成員Ian（陳卓賢）將於下月迎來30歲生日，其國際歌迷會（香港）成員為慶祝偶像生日，特意於銅鑼灣一商場內舉辦「伊人森弦」生日應援展覽會，由即日起至6月30日，以森林及海洋等大自然元素，展現及了解Ian於歌曲創作心路歷程。

現場除了設有1.5米高的立體「小卓賢」公仔外，更首次展出了由Ian提供的創作手稿及歌曲Demo，非常珍貴，歌迷會成員「車車」表示：「展覽帶出咗Ian由細個錯失學琴機會，到後來自學鋼琴、結他同其他樂器，慢慢開始作、詞、編、監嘅道路，有好多打卡位，特別係兩個長方形木箱位置，企埋去將耳仔貼埋去就可以聽到Ian哼出嘅Demo，就好似喺佢心口聽佢哼一樣，另外大家都可以由Ian提供、由佢監製嘅《天黑時想跟你到白頭》手稿，感受佢幾咁用心去監製首歌。」她透露除展覽外，歌迷會稍後將陸續推出不同生日應援活動。而展覽除了多個打卡位外，亦設有電腦打印區，讓預訂了Ian生日紀念品的歌迷，能即場將名字打印於紀念品上。