高圓圓趙又廷結婚9年恩愛不減 網友讚:好男人

2023年05月23日 12:01
東網電視
更多新聞短片
內地女星高圓圓憑出眾靚樣,甫出道就成功係一眾同期女星中突圍上位,更曾入選大陸前50美女,其後同內地男星趙又廷結婚組建幸福家庭。而早前同老公趙又廷低調現身機場嘅佢,即使頭戴Cap帽、口罩打扮樸素,仍難掩一身星味。從網友分享嘅畫面中可以見到,結婚9年嘅高圓圓同趙又廷全程拖到實外,仲有講有笑,羨煞旁人。
而堪稱「絕世好男人」嘅趙又廷,發現有粉絲影相時為保護囡囡隱私,更體貼度爆燈,先係請保母帶囡囡先行離開,再同老婆高圓圓一齊同粉絲打招呼,全程紳士舉動大獲好評。