蔡思貝孖袁偉豪飛加國登台　High爆瘋狂扮醜零偶包

視后蔡思貝早前於英國拍攝節目《貝遊英倫》，原來近日已返回香港，再轉飛加拿大溫哥華，孖住視帝譚俊彥、袁偉豪及姚子羚等人出席活動。蔡思貝於社交網大晒起程片段，見佢今次唔再係獨自出發，有好友袁偉豪陪住搭飛機即表現興奮，全程不停整古做怪，用濾鏡扮肥，又反白眼扮醜，一啲偶像包袱。而佢哋到埗冇耐，今日（23日）就立即現身活動，為海外粉絲簽名，場面熱鬧。

袁偉豪接受東網訪問，透露此行會喺溫哥華及多倫多逗留4、5天，除出活動與家庭觀眾互動外，剛推出新歌《御林軍之壽辰》嘅佢更會獻唱新歌，以及另外2首單曲，罕有全數唱自己歌，機會難得。而佢亦會接受電視、電台節目訪問，趁機宣傳新歌。