星語︱袁偉豪夫妻檔旅行放閃　拍住拖開工羨慕死人

今日係5月24日，睇是日星座運程之前，不如挑戰吓IQ題，公雞有唔少親戚，除咗邊個呢？想知答案就要睇《星語》喇！入正題先，今日嘅幸運星係金牛座，你哋宜談情說愛，如果伴侶係處女座會更加開心。金牛座嘅袁偉豪雖然另一半唔係處女座，但同太太張寶兒日日都咁Sweet！早排袁偉豪仲首次跟太太返鄉下福建，兩公婆之後又一齊喺內地拍旅遊節目，有得拍住拖開工真係羨慕死人喇！對佢哋嚟講，日日都係談情說愛嘅吉日！

巨蟹座嘅朋友人逢喜事精神爽，可以放膽追夢，唔好浪費時光。巨蟹座嘅Tyson Yoshi就叻仔喇，係人都知佢鍾意日本AV女優三上悠亞，近日佢終於圓夢，請到對方幫佢做MV女主角，可以同女神談情，搞到佢即刻成為宅男公敵，唔知Tyson Yoshi嚟緊仲有咩驚喜畀大家呢？