周勵淇被爆同老公激罕合照　頭貼頭原來好有夫妻相

女星周勵淇（Niki）2018年尾同內地男星傅浤鳴結婚，依家二人共同育有3歲囝囝Morris，惟夫妻極少合體出鏡，雖然恩愛，但就喜歡收埋唔高調，搞到大家都好好奇二人相處。最近Niki家姐周汶錡（Kathy）慶祝49歲生日，終於都見到Niki同老公傅浤鳴及家姐夫婦嘅四人合照，Kathy激罕曝光妹夫正面樣。另外，又有中堆頭合照，相中更見到Niki攬實傅浤鳴，同老公面貼面笑容一致望向鏡頭，仲被網友大讚有夫妻相添。