楊茜堯爆Seed惹離婚揣測　與羅子溢開腔講事件真相

藝人楊茜堯為老公羅子溢誕下1仔1女，一家四口生活美滿，惟今日（24日）她突然在社交網發文，貼上一個「嬲嬲樣」圖案，怒斥有人講大話：「當感到憤怒和失望時，可以做啲乜嘢！！！ 一次又一次，講大話甩大牙，我唔出聲唔代表我唔知，唔好問我唔會答你！」引發網民揣測離婚。

東網聯絡上楊茜堯家姐楊卓娜，問到妹妹為甚麼那麼嬲？是否與湊小朋友有關？還是與丈夫鬧交？楊卓娜表示：「冇事，多謝關心！係佢同朋友間問題。」對於外界揣測不斷，楊茜堯接受訪問時表示：「冇嘢，只係有朋友做咗啲嘢令我好失望，所以有感而發啫。」正忙於開工的羅子溢對於離婚傳聞，他說：「啋！平時我睇得多（指藝人傳離婚），估唔到會發生喺自己身上。」會否對傳言感到不開心？他謂：「得啖笑！」