何超蓮竇驍婚後度蜜月甜到漏　罕露少女情懷

啱啱升呢做人妻嘅何超蓮，不時因寬鬆打扮就被網友捕風捉影指孕味濃，質疑可能係奉子成婚，面對呢啲傳聞何超蓮都一律懶理不回應，直至近日同老公竇驍去咗美國玩嘅佢，竟然罕見拍片晒出自己同老公喺樂園玩機動遊戲嘅影片，疑似係以行動打破懷孕傳聞。

只見坐係竇驍後面嘅何超蓮，做足保護措施由頭包到落腳，戴住Cap帽着晒防曬衣玩激流，當船開始向下俯衝之際何超蓮仲驚到連環尖叫，罕見露出少女一面。至於坐前面兼負責攝影嘅竇驍擘大口狂嗌，搞到成口都係水，相當搞笑。