森美確診多後遺症　仔女大晒望做多一年退休

藝人森美今日（25日）現身銀行活動，他繼月初確診後，近日又因打籃球而拗柴，可謂禍不單行，他透露幸好腳傷未傷及韌帶，現時每日做物理治療，預計至少兩星期才能痊愈，不過他自爆康復後出現不少後遺症：「我成日有痰，就算坐低都覺得條氣唔順，而且有腦霧，有時講到一半，個腦會一片空白，我依家同（電台拍檔）小儀、梁嘉琪嘅水準接近咗，佢哋趁我腦霧就成日窒我。」

他稱太太亦被他感染，笑言為此感到開心，因為證明夫妻倆很親密，但慶幸仔女未有中招：「因為佢哋兩個要考試，近年囝囝由英國返嚟香港讀醫，英國讀醫貴，加上英國醫生收入唔及香港高，所以囝囝決定喺香港讀。囡囡今年17歲，明年考國際文憑試，唔知佢想唔想去外國讀大學，如果佢喺香港讀，我搵多一年錢就可以退休。」森美稱之前疫情令收入大減，幸最近經濟復甦多了不少外快，工作大多跟小朋友有關，尤其有不少學校邀他跟家長分享育兒心得。