趙慧珊畫展吸引眾星捧場 好友李靄璣幫手舉辦

2023年05月26日 09:08
東網電視
更多新聞短片
前組合Super Girls成員Aka (趙慧珊)舉行個人畫展,繼周慧敏到訪後,歌手林奕匡偕藝人太太李靄璣 (Rikko)及伍允龍輪流到捧場,Rikko和Aka相交多年,一早知Aka天生是藝術家,Rikko說:「6年前見過佢嘅畫作後,,就好欣賞她嘅天賦,因為自己細個都有修讀藝術,所以知道針筆畫係一種需要好高畫作技術兼藝術造詣嘅畫作,比起抽象概念,佢每一幅畫都喺度講一個故事或哲理,所以當時我請纓義務為佢舉辦嘅第一次慈善畫展擔任司儀。」
經過疫情後,Rikko知道Aka希望在工作上有蛻變,想作多元化發展,所以今次合作搞畫展,而且辦活動更是其強項,她說:「以前喺corporate公司擔任傳訊公關工作,亦經常擔任司儀,不過喺藝術界角度開畫展又係另一個界別,所以我都係一路鑽研及學習。」又指最開心可以跟Aka可齊踏上藝術旅程,由冀更多人認識到好友的藝術天賦。
問到Rikko未來發展,她又謂將為港台電視32台擔任固定的節目主持:「係個生活資訊訪談嘅的英文節目,我喺加拿大長大,所以全英文主持節目都駕輕就熟,平時喺節目度大多數都係自己一個人,但好開心呢個節目每一集都會有位靚女拍檔,仲係唔同電視台嘅藝人。」