五月天北京鳥巢開騷　黃牛黨連螢光棒都炒貴3倍

萬眾期待嘅「台灣天團」五月天今日（26日）係北京鳥巢6度開騷，引嚟內地網友摩拳擦掌搶飛外，更帶動埋當地周邊經濟，場面認真墟冚。

據悉，五月天今次開騷淨係賣螢光棒就賣出4.2萬支，近660萬港元，甚至被黃牛黨漲足3倍價兜售，而粉絲雖然相當有共識拒買盜版螢光棒，不過理由就係驚盜版螢光棒同現場氛圍燈光不符繼而出醜，至於鳥巢方圓5公里嘅住宿預定更係上漲咗240倍。