Selina佗B 5個月突然夢見離世4年愛犬感性剖白

台灣女星任家萱（Selina）去年認愛細7歲嘅圈外男友「小徐」後，愈愛愈高調嘅佢更喺節目上大方透露懷孕喜訊，引嚟外界一片祝福。而昨日（25日）Selina突然喺社交網表示自己夢到離世4年嘅愛犬Pinky，面對愛犬嘅「探訪」Selina更感動表示會帶埋「小腰果」去探愛犬。

Selina喺社交網透露：「睡回籠覺就夢到你了，夢見餵你吃飯，忘記聞一下你身上的味道了。」時隔冇耐，Selina再晒出一張Pinky瞓喺攬枕上嘅相，感性表示：「13年前的今天，偶爾出現這種小驚喜，真好。」