《超級毛特兒大賽》12強誕生　黃嘉雯為毛孩感動到喊

前港姐冠軍黃嘉雯（Carmaney）有份主持的J2綜藝節目《超級毛特兒大賽》，12強近日正式誕生，而四位被Foul的預備生中，以Jacqueline與混種愛犬圓圓的互動最感人，雖然圓圓本身無論外表或表現均不突出，但每當主人陪在身邊，圓圓便會忽然醒神，令主持們嘖嘖稱奇，故對於這對組合被Foul，Carmaney忍不住落下感動的淚︰「想讚吓Jacqueline，因為佢平時可能內向啲、未必夠膽參賽，但能夠踏出咗呢一步，帶住圓圓嚟到呢度，為圓圓踏出舒適圈，呢份感情好難得。」Jacqueline則爆喊回應：「我都冇預期過佢入圍，始終佢作為混種狗，外表唔係話好討喜，今日結果係點，我哋都好開心同接受。」