星語︱蒙嘉慧獲伊健打本逾百萬做老闆　投資地產賺到笑

今日係5月27日，睇是日星座運程之前，不如挑戰吓IQ題，傳說皇后似咩呢？想知答案就要睇《星語》喇！入正題先，今日嘅幸運星係巨蟹座，你哋愛情事業兩得意，着橙色衫可以令運氣更加好。巨蟹座嘅秦嵐同細自己10年嘅內地男星魏大勛傳出姐弟戀多時，早前佢喺綜藝節目疑似默認戀情，今次真係愛情事業兩得意！試吓着埋橙色衫，分分鐘再有好消息公布！

獅子座嘅朋友理財態度可以進取啲，今日容易喺投資方面賺到錢。獅子座嘅蒙嘉慧嫁畀鄭伊健之後，就淡出娛樂圈，早前獲老公打本過百萬喺日本福岡開咗房地產公司，聽講生意都唔錯！今日咁好彩，不妨研究吓投資多啲物業啦，應該都會有進帳喎！