賴彥妤越南trip洗頭玩足30分鐘：乾淨又舒服

無綫《娛樂新聞台》主持、《LAW霸女神》賴彥妤（Vivienna）早前請4日假組閨蜜團去越南充電，全女班玩得更放，早前被電單車壓傷腳，尚未完全康復，所以冇去沙灘打卡，只在酒店泳池影相，拍下不少性感水着照，身材纖瘦的她，原來相當有料，令網民心心眼。

Vivienna透露旅程期間適逢520 ，她們特別訂了一餐法國菜浪漫一番，又一嘗當地傳統Spa：「最難忘試越式洗頭，正經嘅，洗頭洗足30分鐘，非常乾淨又舒服。因為好鍾意飲咖啡，我每日都會飲越南咖啡。」旅途中還有驚喜艷遇：「當地有好多韓國人旅遊，行行吓街有幾個韓國男生搭訕，去到外地特別容易有桃花，睇嚟要去多啲旅行。（之後有冇下文？）有個男仔做攝影師，幫我影咗相，不過無下文。（影泳照？）唔係啦！街拍相。」