李尚正逾30度高溫浸溫泉　盧頌恩肥到唔敢上磅

藝人李尚正與盧頌恩（妹頭）今午（27日）到旺角，出席HOY TV宣傳活動，向在場的人派發軟雪榚，逾30度高溫下從事室外工作，李尚正一中以長袖恤衫現身，談到消暑妙法，李尚正說：「近排我哋兩個仲要返內地拍旅遊節目，期間要喺中山及韶關等地浸溫泉！」妹頭打趣：「即係30幾度客要浸超過40度嘅溫泉，流晒汗差啲中暑，每次上水工作人員都準備好羅漢果茶畀我哋飲。（嚟緊仲要浸？）浸溫泉應該拍晒嘞。」

李尚正又透露最近忙於拍攝「兩餸飯」節目，又搞笑說：「每次開工之前嗰日我會完全唔食嘢，因拍攝就要狂食，咁先保持到身形，如果唔係就變妹頭！」妹頭卻毫不介意：「大家睇住我『進化』，依家已經3.0，不過好多觀眾都叫我唔好減，話依家好得意，肥啲好喎，我已經唔敢上磅！」李尙正即「補鑊」：「好多人工作同體重成正比。」