星語︱95後四小花虞書欣火速爆紅　終極原因曝光

今日係5月28日，亦係前港姐麥詩睛最後一日喺《星語》同大家見面！雖然唔捨得，但睇是日星座運程之前，一樣要挑戰IQ題，蟹柳最怕畀人話佢咩呢？想知答案就要睇《星語》喇！入正題先，今日嘅幸運星係射手座，射手座嘅朋友今日好好彩，識得感恩嘅話，心情一定更加好。內地「95後四小花」之一嘅虞書欣就係射手座，佢近年憑內地劇《蒼蘭訣》同《兩個人的小森林》人氣爆升，即使面對負評都唔會太在意，繼續元氣滿滿咁同大家見面，成日都Keep住正能量，唔怪得佢咁好彩！

天蠍座嘅朋友運氣都好到令人羨慕，不過就要低調啲，唔好得意忘形。天蠍座嘅姚子羚喺熱播劇《一舞傾城》表現出色，除咗有踢人下體場面，仲要出手摑其他人，都幾有話題性。遇到咁好嘅角色，真係令人羨慕喇！