林明禎演繹「回眸一笑」最高境界　清純甜美冧到暈

馬來西亞女神林明禎樣靚身材正係人都知，不過最近去咗水上樂園玩嘅佢就保保守守，雖然泳衣款式就類似一件領口包到上頸嘅小背心，不過件粉紅色泳衣下嘅白滑美肌襯埋佢露出嘅甜美笑容，又幾清純甜美令人心動。

另外，林明禎亦喺社交網加碼晒出「回眸一笑百媚生」嘅最高境界，只見背對鏡頭嘅林明禎慢動作咁轉身後，再露出一個燦爛笑容，簡直甜到令人融化！