「六合彩之子」蔡國威開口中　最好運中過3獎

藝人蔡國威共主持六合彩開彩約27年，原來私底下的他亦喜歡「小賭怡情」：「坦白講，期期我都有買10蚊嘅，當幫自己買個希望囉。」原來威仔口中的「冧巴」，如今亦變成工作人員的指標：「其實每次開彩前，我哋都會綵排，期間我會自由發揮講幾個『中獎號碼』，點知畀佢哋發現我隨口噏，都有機會會中，所以依家真係跟住嚟買！（佢哋最多試過中幾多獎金？）4個字都有，幾千蚊囉。」

威仔成為別人的「運財童子」，原來十多年前，他也曾試過自中3獎，運氣拍得住「中獎王」梁思浩！他透露：「其實當年獎金只係得3萬幾蚊，話多唔多，但係真係一個Luck！（仲記唔記得點用獎金？）去咗旅行獎勵自己，用Lucky Money去玩，既開心亦唔肉痛。」