陳凱琳細佬Derek回港相聚　同框外甥仔似足倒模

前港姐冠軍陳凱琳同龍鳳胎細佬Derek感情深厚，近日移民加拿大嘅Derek回港探親，陳凱琳當然好好招待細佬，仲一家五口出晒嚟，全家總動員出動迎賓。陳凱琳於社交網大晒合照，指今次係Derek第一次見細仔Carlos，又話得知細佬及弟婦於加拿大生活愉快感到好安慰。俗語有話「外甥多似舅」，陳凱琳嘅二仔向來被指愈大愈似舅父Derek，今次終於同框，見佢哋唔止五官相似，連笑起上嚟嘅表情都好一致！