黃色巨鴨重「游」香港　林俊傑自爆原來係「鴨迷」

近日「黃色巨鴨」相隔10年重「游」香江，打孖上於青馬大橋附近海域「暢泳」，成為全城熱話，連新加坡天王林俊傑（JJ）都有留意，佢仲自爆「鴨迷」身份，原來10年前曾到香港尖沙咀與「黃鴨」打卡，如今得知「黃鴨」再現，佢即興奮晒出與鴨公仔嘅新合照，以及10年前嘅打卡相作對比，並表示：「重『十 』快樂！『它』回來了！」唔少粉絲都誠邀佢再來港打卡，望到時能野生捕獲偶像。