陳山聰劉佩玥新劇煞科　高溫下重裝槍戰熱到嘔

視帝陳山聰、劉佩玥（Moon）昨日（29日）為無綫劇集《奪命提示》拍攝外景，當日天氣相當悶熱，高溫之下他們更要穿着避彈衣拍攝一場槍戰戲份，認真攞命。由於這場戲是劇中主要戲份，二人拍時情緒頗大，故埋位前他們都坐在一邊溝通，工作人員都好好，遞上飲品為他們消暑。

陳山聰表示原本這場戲一早就拍了，阿Moon即解釋謂：「我哋上次嚟到傾盆大雨，今日就風和日麗，天氣非常之好。」山聰又謂：「好在有啲陰頂遮吓！（頂唔頂得順？）本來冇事嘅，拍攝最後一個Shot嗰陣太陽就出嚟，熱到嘔呀！不過最重要嘅戲份都拍晒！我哋個劇拍埋聽日都正式完結，拍咗5個月終於煞科，好開心呀！」拍完這場戲份，山聰都慰勞一下自己，去買美食外賣返屋企慢慢歎！

另外，昨日監製文偉鴻亦PO了一條片於社交平台，片中的張振朗、劉穎鏇、郭柏妍、丁子朗等更因劇集煞科開心到不得了。