五月天送「垃圾飯」掀PK戰 華晨宇張杰成良心藝人

2023年05月30日 12:01
東網電視
更多新聞短片
台灣天團五月天近日於北京鳥巢開演唱會,不過就爆出佢哋提供畀志願者嘅伙食猶如畀乞丐食,當中義工收到嘅飯盒包括蛋炒飯加咸酸菜、麵包、火腿腸、滷蛋等零食,被指係「垃圾飯盒」。估唔到五月天演唱會嘅義工伙食,竟然引發圈內男歌手嘅伙食內戰,大批粉絲均晒出為藝人做個唱志願者時嘅伙食圖,絕對係對五月天嘅公開處刑!
網友分別晒出華晨宇、張杰、毛不易、李榮浩等演唱會義工餐,見到個個飯盒滿晒唔同肉類,華晨宇方更提供豪華5餸飯,真係睇見都知夠晒飽,而其他藝人提供嘅飯盒亦好有睇頭,有菜有肉,睇到都有食欲。同時亦有網友質疑,指以前做公益先會有志願者,依家連開演唱會賺錢都可以招募到志願者,令人嘖嘖稱奇。