孖壽司師傅合照驚驚　梁朝偉「社恐式摳地」搶鏡

影帝梁朝偉行事向來低調，早前佢就親自剖白有社交恐懼嘅原因，令佢待人接物嘅行為被粉絲無限放大，抽絲剝繭搵男神可愛一面。好似近日，佢被發現再次遊日本，去到靜岡一間著名食店歎美食，仲同壽司師傅合照。相中佢展現招牌靦覥微笑，身穿卡其色襪嘅佢，仲畀網友發現腳趾呈現「社恐式摳地」，狀甚尷尬，如廝可愛模樣即引起網民熱烈討論，大讚男神Cute爆。