蔡潔床戰1 Take過唔嘥彈藥 陳星妤預告有愛情動作戲

2023年05月30日 16:16
東網電視
更多新聞短片
藝人蔡潔及陳星妤落力宣傳劇集《一舞傾城》。談到昨晚與楊明的「愛情動作戲」,她坦言對收視甚有期望:「有觀眾留言話呢場戲可以過30點。拍攝時大家都唔想嘥彈藥,盡力1 take過,拍完就算,我自己都冇再睇play back,依家覺得都算恰如其分啦。(莊思明監場?)冇喎,其實我哋私底下都好friend,佢好放心及信任大家。(思明話自己在場。)我見佢唔到喎,佢可能唔想畀壓力我哋。」
對於第二周收視不升反跌,蔡潔坦言:「我覺得成績都算保持到嘅,唔少觀眾都指劇情開始緊湊嘞,反而首周播出時有觀眾話唔習慣呢類型嘅劇種,尤其係家長陪同小朋友收睇,就會覺得係咪太激。」而身為「小三」的陳星妤則預告,稍後劇情會遭「大婆」吳沚默掌摑,與關楚耀的愛情動作戲亦會有嶄新進展,打趣叫大家拭目以待。