周國賢載鄧麗欣兜風 自認路痴:佢揸車叻過我!

2023年05月30日 18:03
東網電視
更多新聞短片
歌手周國賢(Endy)今日(30日)出席代言活動,剛與廣告商續約的他,被問到今次酬勞是否可觀?他笑言能以精彩形容:「續約酬勞好啲都正常嘅,今次最精彩係可以同Stephy(鄧麗欣)合作,我哋差不多同期出道,不過今次先係第一次合作。」廣告中Endy負責駕車載Stephy兜風,非常有型,但他笑指其實是經Stephy指導下的效果:「我本身得自動波牌,Stephy揸車叻過我,佢教我做啲動作揸得型啲,我哋都因為今次熟絡咗。」他又自爆自己是路痴:「本身港島區揸車多,試過過九龍但唔知點解結果去咗沙田,哈哈!」
談到工作,他表示將開始為與麥浚龍(Juno)合作的的音樂會採排,他大讚對方認真又有諗頭:「佢好想做好個騷,所以一諗到新嘢就會話我知,平均每日十幾個訊息,試過一個Message成28分鐘咁長。」除了與Juno的音樂會,Endy透露亦會預備到台北舉行巡唱,及為ViuTV拍攝新劇。