七瀨結衣 豪乳超激凸

2023年05月30日 22:00
東網電視
更多新聞短片
人生總係有起有落,遇上難關好平常,千祈咪退縮,一定要挺起胸膛面對,先可以令自己變得更強!正如寫真女優七瀨結衣,早前陷入低潮,幾乎冇晒演出機會,但鬥志冇被打沉,最終靠(賽)艇、(巨)胸,成功走出逆境!
小麥色G奶
雖然日本寫真界以白滑美肌女優為主,但亦有性感尤物靠古銅色肌膚成功突圍,人稱「寫真界黑鑽石」嘅橋本梨菜,就係當中嘅表表者。至於今年28歲嘅七瀨結衣,同樣有一身小麥色肌膚,畀到人一種健康、陽光嘅好印象。查實結衣以前個樣好平凡,幸好喺出道之後,開始識得打扮,並透過改變妝容,令自己變靚啲。當然,結衣之所以被星探發掘,好大程度上係靠身材食糊,特別係心口對G奶睇頭十足,質感軟彈適中,加埋體態小巧,自然令上圍顯得更加「凸」出!
做賽艇主持
七瀨結衣喺2017年開始做寫真女優,首部映像作品叫《Milky Glamour》,因身材太火辣,出版商用到「最高之胴體」嚟形容,仲被業界視為「G奶美乳之超新星」。不過,結衣嘅事業喺之後幾年受疫情嚴重打擊,因為當時佢已經轉做自由身女優,拍攝工作愈嚟愈少,甚至有段日子幾乎冇演出機會添!好彩嘅係,結衣早前已經鋪好路,為水上飛艇比賽做主持,換言之,靠呢類節目一樣搵到食!隨住大家逐漸走出疫情嘅陰霾,結衣喺年初特別透過眾籌,搞咗個寫真展以紀念自己出道七周年,希望佢喺未來日子有更多精彩嘅寫真面世啦!