星玄︱離巢無綫有着數？王君馨做歌手兼拍戲發圍

今日係5月31日，農曆四月十三，宜祭祀、開市、訂婚。最旺生肖係虎，屬虎嘅人正財旺，只要努力工作就可以得到實質性嘅回報。虎女王君馨（Grace），近年離巢無綫為追夢豁出去，自資做獨立歌手，而佢努力真係有回報！早排新歌有好成績，登ViuTV音樂榜Top 10，嚟緊6月8日仲舉行第一場個唱，做歌手仲有得開騷證明大把粉絲好成功！Grace之前參演甄子丹嘅《天龍八部之喬峰傳》，仲被子丹讚佢有火！

今日嘅幸運星係水瓶座，你哋嘅事業運好到不得了，可以順利達成工作目標呀！首位進軍日本AV界嘅香港女優素海霖（繪麗奈）就係水瓶座喇！佢一出道即爆紅，處女作登上銷售榜冠軍之餘，仲獲日本傳媒封為「絕世美女」，而佢仲乘勝追擊喺香港搞簽名見面會回饋粉絲，好似就係今日舉行添喎，咁就掂晒啦！一定非常順利！