張振朗劉穎鏇負負得正　黑氣盡洗行好運

張振朗與劉穎鏇晚上在觀塘出席《奪命提示》煞科宴，兩人首演情侶，皆覺得新鮮感十足，他們亦負負得正，一個擺脫「地獄黑仔王」之名，穎鏇亦不再是「雨神」每逢有她的外景也不會下雨。 振朗笑說：「佢依家變咗晴天娃娃，佢會為我帶嚟好運，呢幾日曬到呢，我都黑咗。」他指開劇時被燈撼爆的眉角已經復原，疤痕已經不礙眼，不用磨皮。穎鏇則笑言兩人可能是負負得正，振朗亦不再是地獄黑仔王。

兩人完成劇集後分別要拍攝旅遊節目，張振朗與袁偉豪駕駛電單車到歐洲拍攝，他說：「自己都未試過喺外地揸電單車，每日揸成200、300公里，拍劇都好耐冇揸，咁又唔使補鐘，但係都要練吓。」穎鏇則貼心提議問他帶Cushion墊住pat pat，振朗笑說：「我pat pat好健康，多謝關心。」