同人唔同命︱娜扎曾被鬧低俗　Jessica T-back被讚

韓團少女時代前成員Jessica（鄭秀妍）近年主攻內地市場，最近佢就錄製《了不起舞社》，仲影晒靚相努力「營業」，以黑色運動內衣外搭牛仔外套，下身搭配露出T-back褲頭嘅低腰牛仔褲，擺出嬌俏自信樣，又留言：「想穿甚麼，就穿甚麼」被網友一面倒稱讚佢好有態度。不過網友望真啲，就發現佢身上條T-back牛仔褲，正正就係4月時內地「新疆四美」之一的娜扎所着嘅同一款特色design款！

當時娜扎現身北京一個主題樂園遊玩時，一身型格打扮被狠批品味低俗及醜陋得令人惡心，又指佢着衫不分場合，指佢應考慮主題公園有好多小朋友，雖然佢一度發文捍衞下半身，力撐着衫自由，但依然被負評。對比今次Jessica獲讚，睇嚟真係同人唔同命，着褲都要揀場合。