拍片玩毛洩「情侶手鐲」　羅志祥周揚青疑復合

台灣天王羅志祥（小豬）同內地富二代周揚青當年毀滅式分手，女方爆小豬愛「多人運動」，依家各有各生活，周揚青更由網紅變藝人，小豬亦重拾人氣繼續做天王，點估到最近二人頻傳復合，今次更係「有證有據」！

尋日（1日）羅志祥上載最新自拍片，見佢以背心上陣玩脫毛，佢分別喺腋下及鼻內搽上脫毛蠟，但係佢左手就明顯見到戴住一款貴價手鐲，仲多次喺鏡頭前穿插。點知咁啱前女友周揚青最近拍片，同樣戴住同款手鐲，即被網友聯想到係咪「情侶手鐲」，更衍生出「#羅志祥戴周揚青同款手鐲#」話題。